وصفة جديدة بالخطوات لحلوى الملفوف تذوب في الفم

Admin المساهمات : 170 تاريخ التسجيل : 17/09/2013

السلام عليكم اخواتي
اليوم عملت حلوى الملفوف لكن بوصفة جديدة تختلف عن الوصفة السابقة وتجي احسن منها ذوقا وشكلا
المقادير
العجينة:
400غ مرقرين،200غ زبدة ستار،كاس سكر رطب،4بيضات الصفار نعملوه في العجينة والبياض في الحشو،2خميرة،فاني،كيلو فرينة،9ملاعق كبار حليب سائل

الحشو:
2كاس نواد كوكو،كاس سكر رطب،4ملاعق كاكاو،4بياض بيض،كمية من الماء
الطريقة:
نحضر اولا الحشو نخلط النوادكوكو والسكر رطب والكاكاو ونرحيهم في الروبو وهذا لتسهيل عملية بسطه على العجينة نحط في اناء ونضيف بياض البيض وكمية من الماء لازم الحشو يكون
مطلوق شوية لتسهيل عملية بسط على العجينة
من جهة نحضر العجينة نخلط المرقرين والزبدة والسكر نخلط جيدا ثم نضيف صفارالبيض والحليب ثم الفاني والخميرة والفرينة
نقسم العجينة على ثلاث او اربع كرات
نستعمل النايليون نرش بشوية فرينة ونبسط العجينة بالحلال ويمكن نمسح الحلال بالفرينة لتسهيل بسط العملية ونرقها على قد ما نقدر كما هو موضح

بعد ما نكمل العجينة نحط الحرابش في الثلاجة لتسهيل عملية القطع
بعدها نقطعهم مربعات وندخلهم يطيبو في الفرن على درجة حرارة 180درجة لما يطيبو من الاسفل نشعل من فوق حتى ياخذو لون خفيف فقط

نتمنى تعجبكم الحلوى وتجربوها
لاتنسوني اخواتي من صالح دعائكن خاصة ونحن في هذه الايام المباركة </B></I>

» المقروط بطريقة جديدة
» تشكيلة جديدة من فساتين السهرة
» ملابس محجبات ولا اروع موديلات جديدة
» تفصيل وخياطة الستائر موديلات جديدة مع الطريقة 2014
» موديلات جديدة لقنادر الدار، موديلات قنادر رائعة جديد الخياطة صيف 2013